Eru áramótin sjálfsagður hlutur??

Er búinn að vera að fylgjast með annsi merkilegri umræðu á vefnum austurlandid.is, þar sem verið er að mótmæla því að Björgunarsveitin Hérað flýti áramótabrennu og flugeldasýningu fram  til kl 17:00 á Gamlársdag.

Fyrir mitt leiti finnst mér þetta athyglisverð tilraun og verður gaman að sjá hvernig þetta kemur út. En ég fór einnig að velta fyrir mér hvort að það eig að vera sjálfgefið að fámennur hópur fólks sjái um viðburð sem þennan ár eftir ár í sjálfboðavinnu?? Sjálfur hef ég verið í eldlínunni hér á Reyðarfirði undan farin 6 ár a.m.k. Hefur maður þá þurft að rjúka út um leið og maður er búinn að kyngja steikinni til að skvetta olíu á brennuna eða sjá um flugeldasýningu, fyrir utan allan tíman sem fer í undirbúning dagana áður. Ástæðan fyrir því að maður endist í þessu er að þetta er ennþá svolítið gaman.

En eftir að hafa lesið þessa umræðu á austurlandid.is þá finst mér fólk sem tjáir sig þar almment vera vanþakklátt og frekt, og ætti jafnvel bara að skammast sín fyrir að sýna þessu svona lítinn skilning að björgunarsveitarfólk á Héraði vilji einu sinni prófa að eyða kvöldinu með fjölskyldunni í rólegheitum.

 En svo klikti nú út þegar einn ágætu einstæklingu sendi inn eftirfarandi

"Re: Tímasetning áramótabrennu og flugeldasýningar.

Ritað af: Guðjón () Dags: December 16, 2006 11:21AM   Fyrst að björgunarsveitin getu ekki haft áramótabrennuna á réttum tíma þá er hægt að versla flueldar annarsstaðar en hjá þeim og styrkja aðra við getum sýnt það í verki ef þeir vilja það
Er ekki Flugeldasala aðla fjáröflum þeirra ??"        

Mig langar að benda þér ágæti Guðjón á að þú ert kominn út á ansi hálann ís og ættir jafnvel að setja brodda undir skóna svo að þú dettir ekki á svellinu. Eins og vonandi flestir vita er flugeldasalan stærsti þátturinn í fjáröflun björgunarsveita á Íslandi, sem n.b. eru allar sjálfboðaliðasamtök, og hjá mörgum sveitum jafnvel eina fjáröflunin. Ef að fólk myndi fara að sniðganga björgunarsveitirnar sínar og kaupa flugeldana einhversstaðrar annarsstaðar, sem eru reyndar ekki margir möguleikar, myndu sveitirnar einfaldlega leggjast af. Ég hugsa að það myndi nú hvína í einhverjum ef að það gerðist!!      

Því að þó að Björgunarsveitir séu eins og tryggingar, að við viljum helst aldrei þurfa að nota þær, er gott að hafa þær þegar á reynir!!!

Athugasemdir

[Eg. (IP-tala skráð) 17.12.2006 kl. 16:43]

Satt og rétt Hafliði. Ég veit ekki hvað þeir sem láta svona í efra eru að hugsa. Allavega ekki um hag björgunarsveitarinnar. Eg.

[Andri Rafn (IP-tala skráð) 19.12.2006 kl. 20:32]

Sjálfum finnst mér stemmarinn liggja í því að halda í hefðina.  Snöggur að borða, rjúka út og sulla pínu í olíu og hita!  Koma svo heim í sturtu, horfa á skaupið sem maður reyndar er stundum seinn í og skella sér svo út að sprengja brynjólfana í gríð og erg! 

[Hafliði Hinriksson, 23.12.2006 kl. 16:05]

rétt er það stemmarinn er alltaf til staðar, en á það að vera sjálfsagt mál að við nennum þessu, það er ekkert mjög flókið að segja TAKK!! allavega miklu erfidara ad skrfia íslensku á spaensktk lyklabord arg!!