Orðinn árinu eldri en síðast.

Jæja, það er langt liðið, og margt gerst, en fæst mjög merkilegt, Skellti mér reyndar í höfuðstað norðurlands einhverja helgina um daginn að hitta Sunnuna mína, voða fínt bara róleg heit, út að borða á Greifanum og í bíó að sjá Mýrina. Síðann varð ég árinu eldri þann 14 nóv, svo sem ósköp venjulegur dagur, nokkrir mundu eftir honum og óskuðu manni til hamingju og mamma bauð mér í mat, sennilega eftriminnilegast þegar að Heikir Ingi, litli bróðir minn sem er að verða 3ja ára söng afmælissönginn og spilaði undir á gítar, bara nokkuð efnilegur drengurinn.

 Annars er það bara vinnan sem er aðalmálið, þurfti að reka fyrirtækið næstum einn í viku því að forstjórarnir seklltu sér til Kanada að skoða Álver, eru víst að gera sér vonir um einhverja mola hjá Alcoa.

Svo er búinn að vera slatti að géra í Björgunarsveitinni, gerði vonsku veður um daginn, þurfti að fara upp á Fagradal og sýna Torfa snjómokstursmanni hvar vegurinn væri því að þvílík var stórhríðinn að hann sá bara ekki veginn drengurinn, fundum í leiðinni tvo útlendinga frá becthel sem höfðu keyrt útaf við sýslumörkin, ákvaða að skilja bílinn þeirra eftri en taka kallana með, sá enga ástæði til að losa hann svo að þeir gætu keyrt útaf í næstu beygju. Þetta veður var reyndar nokkuð dýrt, því að það kostaðir eina viftureim í Land Rover og eina aðalvél í Suzuki Vitara, förum ekki nánar út í það, en gott ráð ef að þú lesandi góður verður var við gangtruflanir í bílnum þínum er að gíra niður og standa drusluna á áfanga stað. Einnig afrekaði ég að klára að tengja framrúðuhitarann i Land Rovernum sem hefur verið ótengdur í sennilega 3 eða 4 ár.

 Eins og ég minntist á fór ég að sjá Mýrina í bíó og er myndin sú bara býsna góð. Vakti athygli mína að Balti heldur tryggð sinni við bílaumboðið B&L eins og í Hafinu, en í þessum myndum gefur að líta þónokkuð af Land Rover og Renult bílum. Eins vakti athygli mína falin auglýsing fra útgerðarrisanum Samherja, en bræðslustrompurinn í Grinda vík með risastóru merki fyrirtækisins viltist í mynd í mátulega mikinn tím til ða maður næði að greyn hvað stæði á honum. En eins og ég sagði að ofan er myndin eiginlega bara stórgóð.

Um næstu helgi er það síðan Reykjavíkurhreppur til að sitja aukalandsþing Slysavarnarfélagsins Landsbjörg og rýfast kanski eitthvað um pólitík félagsins, aldrey að vita.

þangað til næst, nóg í bíli

Hafliði