Forréttindi að búa á SV horninu.

Einu sinn var maður kominn aðeins yfir miðjan aldur. Maður þessi býr á suðvestur horni Íslands, einhversstaðar á bilinu frá Mosfellsbæ til Hafnarfjarðar. Morgun einn vaknaði maðurinn og leit út um gluggann, þegar maðurinn sá hversu fallegt veðrið var ákvað maðurinn að fara í fjallgöngu, maðurinn ákvað að ganga á Esjuna. Maðurinn hafði samband við við vin sinn og taldi hann á að ganga með sér. Þegar félagarnir voru komnir langleiðina á topp Esjunnar vildi svo illa til að maðurinn fekk hjartaáfall. Vinurinn hringdi líka straxx í 1 1 2 (Einn Einn Tveir) og bað um aðstoð. Ræstur var út sjúkrabíll, ásamt undanförum frá björgunarsveitum á Höfuðborgarsvæðinu auk þess em þyrla var send frá Landhelgisgæslunni. Þyrlan flutti mannin á besta sjúkrahús landsins og var hann kominn þangað 45 mínútum eftir að hann hneig niður. Maðurinn lifir góðu lífi í dag og gegngur ennþá á fjöll ásamt vini sínum.

Sama dag var maður á svipuðum aldri maðurinn á suðvesturhorninu. Þessi maður bjó austur á fjörðum, nánar tiltekið í Fjarðabyggð. Þar sem veðrið var líka gott fyrir austann ákvað maðurinn ásamt félaga sínum að ganga á Hádegisfjallið. þegar að félagarnir að austan eiga aðeins örfá skref eftir á toppinn vill svo leiðinlega til að maðurinn fær hjartaáfall. Félagi mannsins var björgunarsveitar maður og kunni fyrstuhjálp. Félaginn hringdi einnig í 1 1 2 og bað um aðstoð. sendur var sjúkrabíll auk þess sem að allar björgunarsveitir á svæðinu voru kallaðar út. 2 klukkutímum seinna komust fyrstu björgunarsveitar mennirnir til félaganna, en það var um svipð leiti var þyrla Landhelgisgæslunnar að koma á svæðið. Maðurinn gekk aldrei aftur á fjöll, en ásamt félaga hans mættu margir í jarðarförina hans.

Þessi saga á sér litla stoð í raunveruleikanum nem hvað að þetta gæti gerst hvenær sem er.

Athugasemdir

[Hilmar Ingi Ómarsson (IP-tala skráð) 11.4.2007 kl. 00:18]

Þess vegna verðum við að fá þyrlu á Nesk.

[Eiður Ragnarsson, 12.4.2007 kl. 18:33]

Ekki seinna en strax................